അസാപ് കമ്യൂണിറ്റി സ്‌കില്‍ പാര്‍ക്കുകളില്‍ എക്‌സിക്യൂട്ടീവ്, ഗ്രാജ്വേറ്റ് ഇന്റേണ്‍ നിയമനം

മലപ്പുറം : ഉന്നത വിദ്യാഭ്യാസ വകുപ്പിന് കീഴിലെ അഡീഷണല്‍ സ്‌കില്‍ അക്വിസിഷന്‍ പ്രോഗ്രാം (അസാപ്) വിവിധ കമ്യൂണിറ്റി സ്‌കില്‍ പാര്‍ക്കുകളില്‍ എക്‌സിക്യൂട്ടീവ്, ഗ്രാജ്വേറ്റ് ഇന്റേണ്‍ തസ്തികകളില്‍ കരാര്‍ അടിസ്ഥാനത്തില്‍ നിയമനം നടത്തും.

എക്‌സിക്യൂട്ടീവിന്റെ ഏഴ് ഒഴിവുകളാണുള്ളത്. യോഗ്യത: ബിരുദവും മൂന്ന് വര്‍ഷത്തെ പ്രവൃത്തി പരിചയവും/ബിരുദാനന്തര ബിരുദവും രണ്ട് വര്‍ഷത്തെ പ്രവൃത്തി പരിചയവും/എം.ബി.എ ബിരുദവും ഒരു വര്‍ഷത്തെ പ്രവൃത്തി പരിചയവും. ശമ്പളം: 25,350. പ്രായപരിധി: 2024 നവംബര്‍ 22ന് 40 വയസ്സ് കവിയരുത്.

ഗ്രാജ്വേറ്റ് ഇന്‍േറണിന്റെ ആറ് ഒഴിവുകളാണുള്ളത്. യോഗ്യത: ഏതെങ്കിലും ബിരുദം (എം.ബി.എയോ ബിരുദാനന്തര ബിരുദമോ ഉള്ളവര്‍ക്ക് മുന്‍ഗണന). സ്‌റ്റൈപ്പന്റ്: 12,500. പ്രായപരിധി 2024 നവംബര്‍ 22ന് 30 വയസ്സ് കവിയരുത്. എഴുത്ത് പരീക്ഷയുടെയും അഭിമുഖത്തിന്റെയും അടിസ്ഥാനത്തിലാകും നിയമനം. ഡിസംബര്‍ നാലിനകം https://asapkerala.gov.in/careers ലിങ്ക് വഴി അപേക്ഷിക്കണം.