പുലിത്തോലുമായി മൂന്നം​ഗ സംഘം പിടിയിൽ

ദിസ്പൂർ: പുലിത്തോലുമായി മൂന്നം​ഗ സംഘം പിടിയിൽ. കടത്താൻ ശ്രമിച്ച പുലിത്തോലും അഞ്ച് കിലോഗ്രാം മാംസവും വനംവകുപ്പ് പിടിച്ചെടുത്തിട്ടുണ്ട്.

അസമിലെ കൊക്രാജ്​ഹ​റിലെ റായ മോണ ദേശീയ ഉദ്യാനത്തിൽ നിന്നാണ് സംഘത്തെ അറസ്റ്റ് ചെയ്തത്. നേരത്തെയും സംഘം ഉദ്യാനത്തിൽ അതിക്രമിച്ച് കയറി മൃ​ഗങ്ങളെ വേട്ടയാടിയിരുന്നതായി അന്വേഷണത്തിൽ കണ്ടെത്തി.

ആന, മാൻ, പുള്ളിപ്പുലി എന്നിവയുടെ തൊലിയും മറ്റ് ശരീരഭാ​ഗങ്ങളും കടത്തിയതായി പ്രതികൾ സമ്മതിച്ചു. അയൽ രാജ്യങ്ങളിലേക്കാണ് കടത്തിയിരുന്നതെന്നും പ്രതികൾ മൊഴി നൽകി.