ജേക്ക് പോളിനോട് തോറ്റ് ബോക്സിങ് ഇതിഹാസം മൈക്ക് ടൈസണ്

ടെക്‌സാസ് : 19 വര്‍ഷത്തെ ഇടവേളയ്ക്കു ശേഷം ബോക്‌സിങ് റിങ്ങിലേക്കുള്ള മടങ്ങിയെത്തിയ
തിഹാസ താരം മൈക്ക് ടൈസണ് തോല്‍വി. ജേക്ക് പോളുമായുള്ള ഹെവിവെയ്റ്റ് പോരാട്ടത്തിലായിരുന്നു ടൈസന്റെ പരാജയം.

ബോക്സിങ് താരമായി മാറിയ പഴയ യൂട്യൂബര്‍ 27-കാരനായ ജേക്ക് പോളിനോടായിരുന്നു 58-കാരനായ ടൈസന്റെ തോല്‍വി.ഏകകണ്ഠമായ തീരുമാനത്തിലൂടെയാണ് ജേക്കിനെ വിജയിയായി (78-73) പ്രഖ്യാപിച്ചത്.2018ലാണ് ബോക്സിങ് പ്രൊഫഷനിലേക്ക് ജേക്ക് പോൾ എത്തുന്നത്.

ടെക്‌സാസിലെ ആര്‍ലിങ്ടണിലെ എ.ടി ആന്‍ഡ് ടി സ്‌റ്റേഡിയത്തില്‍ നടന്ന മത്സരത്തില്‍ പ്രായത്തിന്റേതായ അവശതകള്‍ ടൈസണെ ബാധിച്ചിരുന്നു. അദ്ദേഹത്തിന്റെ റിഫ്‌ളക്‌സുകളെല്ലാം മന്ദഗതിയിലായിരുന്നു. എങ്കിലും ആദ്യ രണ്ട് റൗണ്ടിലും മികച്ച പ്രകടനം നടത്താന്‍ ടൈസണായി. ഒടുവില്‍ എട്ടു റൗണ്ടുകള്‍ പൂര്‍ത്തിയായപ്പോള്‍ ജേക്കിനെ വിജയിയായി തിരഞ്ഞെടുക്കുകയായിരുന്നു.

അതെ സമയം, മൈക്ക് ടൈസന്‍, ജേക്ക് പോള്‍ ബോക്‌സിംഗ് പോരാട്ടത്തിനിടെ സ്ട്രീമിംഗ് പ്ലാറ്റ്‌ഫോമായ നെറ്റ്‌ഫ്ലിക്‌സിന്‍റെ ലൈവ് ആയിരക്കണക്കിന് പേര്‍ക്ക് തടസപ്പെട്ടു. അമേരിക്കയില്‍ നിന്ന് വ്യാപക പരാതികളാണ് നെറ്റ്‌ഫ്ലിക്‌സ് ഉപഭോക്താക്കളില്‍ നിന്നുയര്‍ന്നത് എന്ന് റോയിട്ടേഴ്‌സ് റിപ്പോര്‍ട്ട് ചെയ്തു. സംഭവിച്ച സാങ്കേതിക പ്രശ്‌നത്തെ കുറിച്ച് നെറ്റ്‌ഫ്ലിക്‌സ് പ്രതികരിച്ചിട്ടില്ല.