കെ.എസ്.ആർ.ടി.സി. ബസ് കടയിലേക്ക് ഇടിച്ചു കയറി

മാങ്കാംകുഴി : നിയന്ത്രണംവിട്ട് കെ.എസ്.ആർ.ടി.സി. ബസ് കടയിലേക്ക് ഇടിച്ചു കയറി.വെള്ളിയാഴ്ച ഉച്ചയ്‌ക്ക് പന്ത്രണ്ടോടെ വെട്ടിയാർ ഗവ. എൽ.പി. സ്‌കൂൾ ജങ്ഷനിൽ വെച്ചായിരുന്നു അപകടം. ഹരിപ്പാട്-പത്തനംതിട്ട റൂട്ടിൽ സർവീസ് നടത്തുന്ന വേണാട് ബസ്സാണ് അപകടത്തിൽപ്പെട്ടത്.

ഇടവഴിയിൽ നിന്ന് പ്രധാന റോഡിലേക്കു കയറിവന്ന കാറിൽ ഇടിക്കാതിരിക്കാൻ ബസ് വലത്തേക്ക് വെട്ടിച്ചപ്പോൾ അപകടം ഉണ്ടായത്. അപകടത്തിൽ കടയിലുണ്ടായിരുന്നവർക്കും ബസ് യാത്രികർക്കും പരിക്കില്ല.

നിസ്സാര പരിക്കുകളോടെ ബസ് ഡ്രൈവറെ ആശുപത്രിയിലാക്കി. കുറത്തികാട് പോലീസ് സ്ഥലത്തെത്തി മേൽനടപടികൾ സ്വീകരിച്ചു.