ചിത്രീകരണം പൂർത്തിയായ മോഹൻലാലിൻ്റെ പുതിയ ചിത്രത്തിന് ‘തുടരും’ എന്ന് പേരിട്ടു

രജപുത്ര വിഷ്യൽ മീഡിയയുടെ ബാനറിൽ മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്ത പുതിയ ചിത്രത്തിന് ‘തുടരും’ എന്നു പേരിട്ടു. എം. രഞ്ജിത്താണ് ചിത്രം നിർമിച്ചത്. നൂറുദിവസത്തോളം നീണ്ടുനിന്ന ചിത്രീകരണം നവംബർ ഒന്നിന് പൂർത്തിയാക്കി.കുടുംബ ബന്ധങ്ങളുടെ പശ്ചാത്തലത്തിലുള്ള കഥയാണ് ചിത്രം. വലിയ താരനിര അണിനിരക്കുന്ന ചിത്രമാണിത്. മലയാളികളുടെ പ്രിയ നായിക ശോഭന ഇടവേളക്കു ശേഷം ഈ ചിത്രത്തിലൂടെ നായികയായി എത്തുകയാണ്.സാധാരണക്കാരായ ഒരു ടാക്‌സി ഡ്രൈവറുടെ കഥാപാത്രമാണ് ഈ ചിത്രത്തിൽ മോഹൻലാൽ അവതരിപ്പിക്കുന്നത്. കുടുംബ ജീവിതം നയിക്കുന്ന അദ്ദേഹത്തിൻ്റെ ജീവിതത്തിൽ അരങ്ങേറുന്ന ചില സംഭവങ്ങളാണ് ചിത്രത്തിൻ്റെ ഇതിവൃത്തം.

കെ.ആർ. സുനിലിൻ്റെ കഥക്ക് തരുൺ മൂർത്തിയും, കെ.ആർ. സുനിലും ചേർന്ന് തിരക്കഥ രചിച്ചിരിക്കുന്നു. ഛായാഗ്രഹണം- ഷാജികുമാർ. എഡിറ്റിംഗ്-നിഷാദ് യൂസഫ്,ഷഫീഖ്. സംഗീതം -ജെയ്ക് ബിജോയ്. സൗണ്ട് ഡിസൈൻ-വിഷ്‌ണുഗോവിന്ദ്. എക്സിക്യൂട്ടീവ് പ്രൊഡ്യൂസർ അവന്റിക രഞ്ജിത്. കലാ സംവിധാനം – ഗോകുൽ ദാസ്. മേക്കപ്പ്- പട്ടണം റഷീദ്. കോസ്റ്റ്യൂം ഡിസൈൻ-സമീരാ സനീഷ്. പ്രൊഡക്ഷൻ കൺട്രോളർ -ഡിക്‌സൺ പോടുത്താസ്.