യാത്ര റദ്ദാക്കാൻ വിമാത്തിൽ ബോംബ് വെച്ചെന്ന് മെയിൽ അയച്ചു; എയർ അറേബ്യ വിമാനത്തിന് വ്യാജ ബോംബ് ഭീഷണി മുഴക്കിയ മലയാളി യുവാവ് പിടിയിൽ

മലപ്പുറം: കരിപ്പൂർ അന്താരാഷ്ട്ര വിമാനത്താവളത്തിൽ നിന്ന് അബുദാബിയിലേക്ക് സർവ്വീസ് നടത്തിയ എയർ അറേബ്യ വിമാനത്തിന് വ്യാജ ബോംബ് ഭീഷണി മുഴക്കിയ മലയാളി യുവാവ് പിടിയിൽ. പാലക്കാട് സ്വദേശി മുഹമ്മദ് ഇജാസ് (26) ആണ് പിടിയിലായത്.ഇജാസിന് ചില സാമ്പത്തിക പ്രശ്‌നങ്ങളുണ്ടെന്നും ദുബായിലേക്ക് പോകാൻ ആഗ്രഹിച്ചിരുന്നില്ലെന്നും പൊലീസ് പറഞ്ഞു.’സുഹൃത്തുക്കളുടെ സമ്മർദ്ദത്തിന് വഴങ്ങിയാണ് വിമാന ടിക്കറ്റ് ബുക്ക് ചെയ്തത്. യാത്ര റദ്ദാക്കാൻ ആഗ്രഹിച്ചതിനാലാണ് വ്യാജ ബോംബ് ഭീഷണി അയച്ചതെന്നാണ് പ്രതിയുടെ വാദമെന്നും ഉദ്യോഗസ്ഥൻ കൂട്ടിച്ചേർത്തു.ഉടൻ തന്നെ ഇയാളെ വിമാനത്താവളത്തിൽ നിന്ന് കസ്റ്റഡിയിലെടുത്തു. ഇയാൾ അതേ വിമാനത്തിൽ ദുബായിലേക്ക് പോകാനിരിക്കുകയായിരുന്നു. കുറ്റം സമ്മതിച്ച ഇജാസ് വിമാനം റദ്ദാക്കുക മാത്രമായിരുന്നു തൻ്റെ ലക്ഷ്യമെന്നും പോലീസിനോട് പറഞ്ഞു.കോഴിക്കോട്ടുനിന്ന് അബുദാബിയിലേക്ക് സർവ്വീസ് നടത്തുന്ന എയർ അറേബ്യ വിമാനത്തിൽ ബോംബ് വെച്ചതായി ചൊവ്വാഴ്‌ച വൈകീട്ട് എയർപോർട്ട് ഡയറക്ടർക്ക് ഇജാസിൽ നിന്ന് ഇമെയിൽ ലഭിച്ചതായി കരിപ്പൂർ പൊലീസ് പറഞ്ഞു.എയർപോർട്ട് അധികൃതരുടെ പരാതിയുടെ അടിസ്ഥാനത്തിൽ ഭീഷണിയുടെ ഉറവിടം കണ്ടെത്താൻ പോലീസ് അന്വേഷണം ആരംഭിച്ചു, ഒടുവിൽ സൈബർ പോലീസിൻ്റെ പിന്തുണയോടെ ഇജാസിനെ കണ്ടെത്തി.