കാപ്പ കേസ് പ്രതി പിടിയിൽ

കുണ്ടറ: യുവാവിനെ കുത്തിപ്പരിക്കേൽപ്പിച്ച കാപ്പ കേസ് പ്രതി പേരയം സ്വദേശി മിറച്ചനെ കുണ്ടറ പൊലീസ് അറസ്റ്റ് ചെയ്തു. രണ്ടാം പ്രതി പടപ്പക്കര സ്വദേശി ബിജുവിനായി തിരച്ചിൽ തുട രുന്നു.പടപ്പക്കര കൈതമുനമ്പ് യേശുവിലാസത്തിൽ നിഖിൽ ആൻ്റോ (27)ക്കാണ് കുത്തേറ്റത്. പള്ളി പ്രദക്ഷിണത്തിൽ പങ്കെടുത്ത് മടങ്ങുമ്പോൾ ശനിയാഴ്‌ച രാത്രി ഒമ്പതോടെ പടപ്പക്കര ആനപ്പാറക്ക് സമീപമായിരുന്നു ആക്രമണം. നിഖിലിൻ്റെ വയറിനും വാരിയെല്ലിനും മുറിവുണ്ട്. ഒട്ടേറെ കേസുകളിൽ പ്രതിയായ മിറച്ചനെ കാപ്പ പ്രകാരം നാടുകടത്തുന്നതിന് കുണ്ടറ പൊലീസ് നടപടി പൂർത്തിയാക്കിയിരുന്നു. സി.ഐ അനിൽ കുമാർ, എസ്.ഐമാരായ അംബരീഷ്, ശ്യാമകുമാരി, ബീൻസ് രാജ്, ഭക്തവത്സലൻ, സി.പി.ഒമാരായ വി ഷ്ണു ബൈജു, കൃഷ്‌ണദാസ് എന്നിവരാണ് പ്രതിയെ പിടികൂടിയത്.