കാട്ടുപന്നി സ്കൂട്ടറിലിടിച്ചു ; തൊഴിലാളിക്ക് ഗുരുതരപരിക്ക്

തെന്മല : ഇടമണിൽ കാട്ടുപന്നി സ്കൂട്ടറിലിടിച്ചുണ്ടായ അപകടത്തിൽ ഒരാൾക്ക് ഗുരുതരപരിക്ക്.ഇടമൺ ഉദയഗിരി കനാലിന് സമീപം ടാപ്പിങ് തൊഴിലാളിയായ മാപ്പിളശേരിയിൽ വീട്ടിൽ സേവ്യറിനാണ് പരിക്കേറ്റത്.

തിങ്കളാഴ്ച പുലർച്ചെ മൂന്നരയോടെ സ്കൂട്ടറിൽ കനാൽ പാതയിലൂടെ പോകുമ്പോഴായിരുന്നു അപകടം ഉണ്ടായത്.കനാൽ പാതയോരത്ത് കാടുപിടിച്ചു കിടന്ന ഭാഗത്തു നിന്ന് കാട്ടുപന്നി ചാടുകയും സ്കൂട്ടറിന് മുകളിലേക്ക് ഇടിക്കുകയായിരുന്നു.സ്കൂട്ടറിനോടുചേർന്ന് സേവ്യറിന്റെ കാൽ അമർന്നുനിൽക്കുകയായിരുന്നു. ഇടതുകാലിന്റെ മുട്ടിന്റെ താഴ്ഭാഗം രണ്ടായി ഒടിഞ്ഞനിലയിലാണ്.

പരിക്കേറ്റ സേവ്യറിന്റെ നിലവിളികേട്ടാണ് കനാലിന്റെ മറുഭാഗത്തുള്ള കുടുംബാംഗങ്ങൾ വിവരമറിയുന്നത്. തുടർന്ന് ഇവർ ആംബുലൻസിൽ പുനലൂർ താലൂക്ക് ആശുപത്രിയിലെത്തിച്ചു.
കാലിനു ഗുരുതര പരിക്കേറ്റതിനാൽ തിരുവനന്തപുരം മെഡിക്കൽ കോളേജ്‌ ആശുപത്രിയിലേക്ക് മാറ്റി.