ഡ്രൈ ഡേയിൽ ഉൾപ്പെടെ വിൽപ്പനക്കായി സൂക്ഷിച്ചത് 6 ബ്രാന്റുകളിലെ 108 കുപ്പി ഇന്ത്യൻ നിർമ്മിത വിദേശമദ്യം; ഒരാൾ അറസ്റ്റിൽ

എറണാകുളം: ഡ്രൈ ഡേകളിൽ ഉൾപ്പെടെ വിൽപനക്കായി സൂക്ഷിച്ച 6 വിവിധ ബ്രാന്റുകളിൽ ആയുള്ള 108 കുപ്പി വിദേശമദ്യം പിടികൂടി. എടവനക്കാട്, നെടുങ്ങാട് ഭാഗത്തുനിന്നാണ് മദ്യം പിടിച്ചെടുത്തത്. 55 ലിറ്ററോളം ഇന്ത്യൻ നിർമ്മിത വിദേശമദ്യമാണ് എക്സൈസ് പിടികൂടിയത്.

സംഭവത്തിൽ ഒരാളെ അറസ്റ്റ് ചെയ്തു. പ്രദേശവാസി ആയ 37 വയസ്സുള്ള നിതീഷ് പി എസ് എന്നയാളെ ആണ് അറസ്റ്റ് ചെയ്തത്.