കപ്പൽജീവനക്കാരുടെ ശമ്പളം ഉയർത്താൻ പുതിയ കരാർ

2024 ജനുവരി ഒന്നു മുതൽ 2027 ഡിസംബർ 31 വരെ പുതിയ കരാർ ബാധകമായിരിക്കും. പുതിയ കരാർ പ്രകാരം 12 മുതൽ 42 ശതമാനം വരെയാണ് ശമ്പളവർധന. വിദേശത്തേക്ക് യാത്രചെയ്യുന്ന കപ്പൽജീവനക്കാരുടെ ശമ്പളത്തിലാണ് 42 ശതമാനം വർധന. രാജ്യത്തിനകത്തുള്ളവർക്ക് 25 ശതമാനമാണ് വർധന. വിവിധ നഷ്ടപരിഹാരങ്ങളിലും വർധന വരുത്തിയിട്ടുണ്ട്. ജോലി ചെയ്യുന്നതിനിടെ മരിച്ചാൽ കുടുംബത്തിനുള്ള നഷ്ടപരിഹാരം 22 ലക്ഷത്തിൽനിന്ന് 40 ലക്ഷമാക്കി ഉയർത്തി.