സംസ്ഥാനത്തെ വ്യവസായ ഹബ്ബാക്കുക ലക്ഷ്യം : മന്ത്രി  ജെ ചിഞ്ചുറാണി

           നവകേരള സദസ്സിലൂടെ വികസന നേട്ടങ്ങൾ സമൂഹത്തിന്റെ അടിത്തട്ടിലേക്കെത്തിക്കുകയാണ് ചെയ്യുന്നത്. കഴിഞ്ഞ ഏഴര വർഷത്തിനുള്ളിൽ മൂന്നു ലക്ഷത്തോളം പട്ടയങ്ങൾ വിതരണം ചെയ്തു. മറ്റു സംസ്ഥാനങ്ങൾക്കു മാതൃകയായ ലൈഫ് മിഷൻ പദ്ധതിയിലൂടെ നാലു ലക്ഷത്തിലധികം വീടുകളാണ് നിർമ്മിച്ചു നൽകിയത്.

തൊഴിലവസരങ്ങൾ ലഭ്യമാക്കുന്നതിൽ മറ്റു സംസ്ഥാനങ്ങളെ അപേക്ഷിച്ച് കേരളം ഏറെ മുന്നിലാണ്. ഒഴിഞ്ഞു കിടക്കുന്ന തസ്തികകൾ കണ്ടെത്തി നിയമനം ഉറപ്പാക്കുന്നു. ഒരു വർഷത്തിനുള്ളിൽ മുപ്പതിനായിരം പേർക്കാണ് പിഎസ് സി യിലൂടെ പുതുതായി നിയമനം നൽകിയത്. ഐ ടി മേഖലകളിലും ചെറുപ്പക്കാർക്ക് അനേകം തൊഴിലവസരങ്ങൾ ലഭ്യമാക്കി. കാർഷികമേഖലയിൽ പുത്തനുണർവ്വ് സൃഷ്ടിച്ച് കർഷകരെ ഈ സർക്കാർ ചേർത്തുനിർത്തിയതായും മന്ത്രി പറഞ്ഞു.