പാര്‍ലമെന്റിലെ സുരക്ഷാവീഴ്ച: മുൻ പൊലീസ് ഉദ്യോഗസ്ഥന്റെ മകൻ കസ്റ്റഡിയിൽ

ന്യൂഡല്‍ഹി: പാര്‍ലമെന്റ് അതിക്രമക്കേസില്‍ കര്‍ണാടകയിലെ റിട്ട. ഡിവൈഎസ്പിയുടെ മകനെ ഡല്‍ഹി പോലീസ് കസ്റ്റഡിയിലെടുത്തു.  സായികൃഷ്ണ ജഗലിയെന്നയാളാണ് പൊലീസ് കസ്റ്റഡിയിലുള്ളത്.

പാർലമെന്റിൽ അതിക്രമിച്ച് കയറി പുക ബോംബ് പൊട്ടിച്ച മനോരഞ്ജന്റെ സുഹൃത്താണ് ഇയാളെന്നാണ് വിവരം. കേസിൽ അറസ്റ്റിലായ ആറ് പേരും ഇപ്പോൾ യു.എ.പി.എ ഉൾപ്പടെയുള്ള വകുപ്പുകൾ ചുമത്തപ്പെട്ട് ജയിലിലാണ്. മനോരഞ്ജനൊപ്പം ബംഗളൂരുവിലെ എൻജിനീയറിങ് കോളജിൽ സായികൃഷ്ണ പഠിച്ചിട്ടുണ്ടെന്നാണ് പൊലീസ് പറയുന്നത്.

ബെംഗളൂരുവിലെ എന്‍ജിനിയറിങ് കോളേജില്‍ ഒന്നിച്ച് പഠിച്ചവരാണ് മനോരഞ്ജനും സായ്കൃഷ്ണയും. ബാഗല്‍കോട്ടിലെ വീട്ടിലിരുന്ന് ജോലി ചെയ്യുകയായിരുന്നു സായ്കൃഷ്ണ. പാര്‍ലമെന്റ് അതിക്രമതക്കേസില്‍ യുഎപിഎ ചുമത്തപ്പെട്ട നാല് പ്രതികളില്‍ ഒരാളാണ് മനോരഞ്ജന്‍.