മൂത്രമൊഴിക്കുന്നതിൽ ചൊല്ലി തർക്കം; വീട് കയറി ആക്രമണം, നാല് പേർക്ക് പരിക്കേറ്റു

തിരുവനന്തപുരം: മൂത്രമൊഴിക്കുന്നതിൽ ഉണ്ടായ തർക്കത്തെ തുടർന്ന് വീട് കയറി ആക്രമിച്ച കേസിൽ നാല് പേർക്ക് പരിക്കേറ്റു. നരുവാമൂട് വീട്ടിൽ കയറിയാണ് ആക്രമണം നടന്നത് . അക്രമണത്തിൽ 85 കാരൻ ഉൾപ്പെടെ നാലുപേർക്ക് പരിക്കേറ്റിട്ടുണ്ട്‌ . നരുവാമൂട് മുളമൂട് സ്വദേശി സോമന്‍ നാടാർക്ക് തലക്കാണ് വെട്ടേറ്റത്. ആക്രമണത്തിൽ 23 കാരിയുടെ നട്ടെല്ലിന് പൊട്ടലുണ്ട്. വീട്ടുപരിസരത്തും കടക്ക് മുന്നിലും മൂത്രം ഒഴിച്ചതാണ് തർക്കത്തിന് കാരണമായത് . സംഭവത്തെ തുടർന്ന് അക്രമികളെ പൊലീസ് അറസ്റ്റ് ചെയ്‌തിട്ടുണ്ട്‌ .