സിവിൽ സർവീസസ് വിജയികളെ അനുമോദിക്കുന്നു

2024 ലെ സിവിൽ സർവീസ് പരീക്ഷയിലും (43 പേർ), ഇന്ത്യൻ ഫോറസ്റ്റ് സർവ്വീസ് പരീക്ഷയിലും (2 പേർ) കേരള സ്റ്റേറ്റ് സിവിൽ സർവീസ് അക്കാഡമിയിൽ നിന്നും പരിശീലനം നേടി വിജയിച്ച മലയാളികളായ 45 വിദ്യാർത്ഥികളെ കേരള സ്റ്റേറ്റ് സിവിൽ സർവീസ് അക്കാഡമിയുടെ ആഭിമുഖ്യത്തിൽ സംസ്ഥാന സർക്കാർ അനുമോദിക്കുന്നു. ജൂലൈ 23 വൈകിട്ട് 5 മണിക്ക് തിരുവനന്തപുരം മാസ്‌കറ്റ് ഹോട്ടലിൽ വച്ചാണ് ചടങ്ങുകൾ സംഘടിപ്പിക്കുന്നത്. ഉന്നതവിദ്യാഭ്യാസ വകുപ്പ് മന്ത്രി ഡോ.ആർ.ബിന്ദു അദ്ധ്യക്ഷത വഹിക്കുന്ന അനുമോദന യോഗം മുഖ്യമന്ത്രി പിണറായി വിജയൻ ഉദ്ഘാടനം നിർവഹിച്ച് വിജയികൾക്ക് അവാർഡുകൾ വിതരണം ചെയ്യും. ചീഫ് സെക്രട്ടറി ഡോ.എ.ജയതിലക്, പോലീസ് മേധാവി റവാഡ ആസാദ് ചന്ദ്രശേഖർ, പ്രിൻസിപ്പൽ ചീഫ് കൺസർവേറ്റർ ഓഫ് ഫോറസ്റ്റ് രാജേഷ് രവീന്ദ്രൻ, ഉന്നത വിദ്യാഭ്യാസ വകുപ്പ് പ്രിൻസിപ്പൽ സെക്രട്ടറി ഡോ.ശർമിള മേരി ജോസഫ്, സെൻറർ ഫോർ കണ്ടിന്യൂയിംഗ് എഡ്യൂക്കേഷൻ കേരള ഡയറക്ടർ മാധവികുട്ടി.എം.എസ് തുടങ്ങിയവർ സംബന്ധിക്കും.