കുവൈത്തിൽ താപനില ഉയർന്ന നിലയിൽ തുടരും

വാരാന്ത്യത്തിൽ വളരെ ചൂടുള്ള കാലാവസ്ഥയായിരിക്കുമെന്ന് കുവൈത്ത് കാലാവസ്ഥാ വകുപ്പ് (എംഡി). രാത്രി സമയങ്ങളിൽ പോലും താപനില ഉയർന്ന നിലയിൽ തുടരുമെന്ന് വകുപ്പിന്റെ ആക്ടിംഗ് ഡയറക്ടർ ധരാർ അൽഅലി വ്യാഴാഴ്ച അറിയിച്ചു. ഇന്ത്യൻ മൺസൂൺ ന്യൂനമർദത്തിന്റെ വ്യാപനമാണ് ചൂടിന് കാരണം.

വെള്ളിയാഴ്ച പരമാവധി താപനില 46 മുതൽ 48 ഡിഗ്രി സെൽഷ്യസ് വരെയായിരിക്കും. കാറ്റ് ചിലപ്പോൾ മണിക്കൂറിൽ 50 കിലോമീറ്റർ വരെ വേഗതയിൽ വീശും, ഇത് പൊടി നിറഞ്ഞ അവസ്ഥയ്ക്ക് കാരണമാകും. തിരമാലകൾ രണ്ട് മുതൽ ആറ് അടി വരെ ഉയരും.

വെള്ളിയാഴ്ച രാത്രിയിലെ താപനില 31 മുതൽ 33 ഡിഗ്രി സെൽഷ്യസ് വരെ ആയിരിക്കും, അതോടൊപ്പം നേരിയതോ മിതമായതോ ആയ വടക്ക് പടിഞ്ഞാറൻ കാറ്റും ഉണ്ടാകും, ഇടയ്ക്കിടെ ശക്തി പ്രാപിക്കും. തിരമാലകൾ രണ്ട് മുതൽ ആറ് അടി വരെ ഉയരും.

ശനിയാഴ്ചയും വളരെ ചൂടുള്ള കാലാവസ്ഥ തുടരുമെന്നാണ് പ്രവചനം. പകൽ സമയത്ത് പരമാവധി താപനില 46 മുതൽ 48 ഡിഗ്രി സെൽഷ്യസ് വരെ ആയിരിക്കും. മണിക്കൂറിൽ 8 മുതൽ 38 കിലോമീറ്റർ വരെ വേഗതയിൽ കാറ്റ് വീശും. ഒരു അടി മുതൽ നാല് അടി വരെ തിരമാലകൾ ഉണ്ടാകും.