കടൽ മണൽ ഖനനത്തിനെതിരെ ജുലൈ 30 ന് രാജ്ഭവൻ മാർച്ച്

മത്സ്യസമ്പത്തിനും ആഴക്കടലിലെ ജൈവവൈവിധ്യത്തിനും കനത്ത ആഘാതം ഏൽപ്പിക്കുന്ന കടൽ മണൽ ഖനനവുമായി മുന്നോട്ടു പോകുവാൻ തീരു മാനിച്ച കേന്ദ്ര നയത്തിനും ആഴക്കടൽ മത്സ്യബന്ധനത്തിന് കപ്പലുകൾക്ക് അനുമതി കൊടുക്കുന്ന കേന്ദ്ര തീരുമാനം പുനപരിശോധിക്കണമെന്ന് ആവശ്യപ്പെട്ടു കൊണ്ടും കേരള സംസ്ഥാന മത്സ്യത്തൊഴിലാളി ഫെഡറേഷൻ സിഐടിയു നേതൃത്വത്തിൽ 2025 ജൂലൈ 30 ന് രാജ് ഭവൻ മാർച്ച് സംഘടിപ്പിക്കുമെന്ന് പ്രസിഡണ്ട് കൂട്ടായി ബഷീറും ജനറൽ സെക്രട്ടറി പി.പി. ചിത്തരഞ്ജൻ എംഎൽഎയും പ്രസ്‌താവനയിൽ അറിയിച്ചു.

കേരള നിയമസഭ ഐകകണ്ഠേന കടൽ മണൽഖനനത്തിനെതിരെ പ്രമേയം പാസാക്കുകയും കേരളത്തിന്റെ വികാരം കേന്ദ്രസർക്കാരിനെ അറിയിച്ചിട്ടും അതൊന്നും പരിഗണിക്കാതെ വൻകിട കോർപ്പറേറ്റുകൾക്ക് കടൽ തീറെഴുതി കൊടുക്കുവാനാണ് കേന്ദ്രസർക്കാർ തീരുമാനിച്ചിരിക്കുന്നത്. ലക്ഷക്കണക്കിന് പരമ്പരാഗത മത്സ്യത്തൊഴിലാളികളുടെ ജീവിതമാകെ വഴിമുട്ടിക്കുന്ന ഈ നയത്തിനെതിരെയുള്ള ഈ പോരാട്ടത്തിൽ അണിനിരക്കുവാൻ മുഴുവൻ മത്സ്യത്തൊഴിലാളികളോടും അഭ്യർത്ഥിക്കുന്നു