ക്രൈസ്തവരുടെ ഭൂമിയാണ് അടുത്ത ലക്ഷ്യമെന്ന് രാഹുൽ ഗാന്ധി

2 months ago

ക്രൈസ്തവരുടെ ഭൂമിയാണ് അടുത്ത ലക്ഷ്യമെന്ന് രാഹുൽ ഗാന്ധി

അഹമ്മദാബാദ്: വഖഫ് ബിൽ മതസ്വാതന്ത്ര്യത്തിനുനേരേയുള്ള ആക്രമണമാണെന്നും ക്രൈസ്തവരുടെ ഭൂമിയാണ് ആർഎസ്എസിന്‍റെ അടുത്ത ലക്ഷ്യമെന്നും പ്രതിപക്ഷനേതാവ് രാഹുൽ ഗാന്ധി.

രാഹുൽ ഗാന്ധിയുടെ പ്രതികരണം……..

അമേരിക്കൻ പ്രസിഡന്‍റ് ഡോണൾഡ് ട്രംപുമായുള്ള സൗഹൃദത്തെക്കുറിച്ച് വീന്പിളക്കിയിരുന്ന പ്രധാനമന്ത്രി മോദി. ഇന്ത്യൻ ഇറക്കുമതിക്ക് ട്രംപ് ഏർപ്പെടുത്തിയ തീരുവകളെക്കുറിച്ച് മിണ്ടാതെ ഒളിച്ചിരിക്കുകയാണ്.

സംവരണത്തിലെ 50 ശതമാനം വിലക്ക് കോണ്‍ഗ്രസ് ഇല്ലാതാക്കും. ഒബിസികളുടെ സംവരണം 42 ശതമാനമായി ഉയർത്തിക്കൊണ്ടാണ് കോണ്‍ഗ്രസ് സർക്കാർ തെലുങ്കാനയിൽ ഇത് ഇതിനകം നടപ്പാക്കി. രാജ്യത്തു ജാതി സെൻസസ് നടത്താൻ കോണ്‍ഗ്രസ് പ്രതിജ്ഞാബദ്ധമാണ്.

തെലുങ്കാനയിലെ കോണ്‍ഗ്രസ് സർക്കാർ ജാതി സെൻസസ് നടത്തി. ദളിതർ, ഒബിസി, ആദിവാസികൾ, ന്യൂനപക്ഷങ്ങൾ, പൊതുജാതികളിൽനിന്നുള്ള ദരിദ്രർ എന്നിവരുൾപ്പെടെ അവിടുത്തെ ജനസംഖ്യയുടെ 90 ശതമാനത്തിനും എവിടെയും ഒരു പങ്കുമില്ലെന്ന് ജാതി സെൻസസ് വെളിപ്പെടുത്തിയതായി അദ്ദേഹം വ്യക്തമാക്കി. എല്ലാ സംസ്ഥാനങ്ങളിലും സമാനമായ അവസ്ഥയുണ്ട്.