തമിഴ്‌നാട്ടിൽ മയോണൈസിന് വിലക്ക് ഏർപ്പെടുത്തി

ചെന്നൈ: പച്ചമുട്ട ചേര്‍ത്ത മയോണൈസിന് തമിഴ്‌നാട്ടിൽ വിലക്ക് ഏർപ്പെടുത്തി.മയോണൈസ്
ഉണ്ടാക്കുന്നതിനും സൂക്ഷിക്കുന്നതിനും വിതരണം ചെയ്യുന്നതിനുമാണ് വിലക്കേര്‍പ്പെടുത്തിയത്. ഏപ്രില്‍ എട്ട് മുതലാണ് ഏത് പ്രാബല്യത്തിൽ വരുന്നത്.

ഫുഡ് സേഫ്റ്റി ആന്‍ഡ് സ്റ്റാന്‍ഡേര്‍ഡ് ആക്ട് (2006) പ്രകാരം ഒരു വര്‍ഷത്തേക്കാണ് നിരോധനം.
പച്ചമുട്ട, വെജിറ്റബിള്‍ ഓയില്‍, വിനാഗിരി എന്നിവയുപയോഗിച്ചാണ് സാധാരണ മയോണൈസ് ഉണ്ടാക്കുന്നത്.

എന്നാല്‍ ഈ രീതി ഭക്ഷ്യവിഷബാധയ്ക്ക് കാരണമായേക്കും എന്ന് തമിഴ്‌നാട് ഫുഡ് സേഫ്റ്റി ആന്‍ഡ് ഡ്രഗ് അഡ്മിനിസ്‌ട്രേഷന്‍ കമ്മീഷണര്‍ പുറത്തിറക്കിയ വിജ്ഞാപനത്തില്‍ പറയുന്നു.റസ്റ്ററെന്റുകളില്‍ പച്ചമുട്ട ഉപയോഗിച്ച് മയോണൈസ് തയ്യാറാക്കുന്നതായി ശ്രദ്ധയില്‍പ്പെട്ടതിനെ തുടര്‍ന്നാണ് നടപടി ഉണ്ടായിരിക്കുന്നത്.