യുവാവ് എക്‌സൈസ് പിടിയിൽ

കൽപ്പറ്റ: മൈസൂരിൽ നിന്ന് കോഴിക്കോട്ടേക്ക് വരികയായിരുന്ന കെഎസ്ആർടിസി ബസിൽ നടത്തിയ പരിശോധനയിൽ മാരക രാസലഹരി പിടികൂടി. വയനാട് മുത്തങ്ങ ചെക്ക് പോസ്റ്റിൽ നടന്ന വാഹന പരിശോധനയിലാണ് മെത്താഫിറ്റമിനുമായി യുവാവ് പിടിയിലായത്. സംഭവത്തിൽ വേങ്ങര കണ്ണാടിപ്പുര മുഹമ്മദ്‌ മുഷ്‌രിഫിനെ എക്‌സൈസ് സംഘം അറസ്റ്റ് ചെയ്തു. 4.868 ഗ്രാം മെത്താഫിറ്റമിനാണ് യുവാവിന്റെ പക്കൽ നിന്നും പിടികൂടിയത്.

എക്സൈസ് ഇൻസ്പെക്ടർ സൻഫീർ മുഹമ്മദിന്റെ നേതൃത്വത്തിൽ മുത്തങ്ങ ചെക്ക് പോസ്റ്റിൽ നടന്ന വാഹന പരിശോധയ്ക്കിടെയാണ് മെത്താഫിറ്റമിൻ പിടികൂടിയത്. പ്രതിയായ യുവാവിനെ പോലീസ് കസ്റ്റഡിയിലെടുത്തു. എക്സൈസ് ഇന്റലിജൻസ് ഇൻസ്പെക്ടർ മണികണ്ഠൻ വികെ, അസി എക്സൈസ് ഇൻസ്പെക്ടർ (ഗ്രേഡ് ) മാരായ സുരേഷ് വെങ്ങാലിക്കുന്നേൽ, ഹരിദാസ് സിവി, പ്രിവെൻറ്റീവ് ഓഫീസർമാരായ കൃഷ്ണൻകുട്ടി,പി, അനീഷ് എഎസ് , വിനോദ് പിആർ ചാൾസ്കുട്ടി ടിഇ, സിവിൽ എക്‌സൈസ് ഓഫീസർ മാരായ സുധീഷ് വി, ശിവൻ ഇബി, വനിതാ സിവിൽ എക്സൈസ് ഓഫീസർ മാരായ ഷൈനി കെ‌ഇ, പ്രസന്ന ടിജി, സിവിൽ എക്സൈസ് ഓഫീസർ ഡ്രൈവർ പ്രസാദ് കെ എന്നിവരുൾപ്പെട്ട സംഘമാണ് പരിശോധന നടത്തിയതും പ്രതിയെ പിടികൂടിയതും.