മൊബൈൽ മോഷണക്കേസിൽ റെയിൽവേ പൊലീസ് പിടികൂടിയ പ്രതി ജയിൽചാടി

മൊബൈൽ മോഷണക്കേസിൽ റെയിൽവേ പൊലീസ് പിടികൂടിയ പ്രതി ജയിൽചാടി. കോട്ടയം ജില്ലാ ജയിലിൽ നിന്ന് അസം സ്വദേശി അമിനുൾ ഇസ്‌ളാം(ബാബു-20) ആണ് ജയിൽ ചാടിയത്.

ഇന്ന് വൈകിട്ട് മൂന്ന് മണിയോടെ ആണ് ജയിൽചാട്ടം നടന്നത്. ജയിൽ ചാടുമ്പോൾ മുണ്ട് മാത്രമാണ് ഇയാൾ ധരിച്ചിരുന്നത്. ഇന്നലെ രാവിലെ യാത്രക്കാരുടെ മൊബൈൽ ഫോൺ മോഷ്ടിച്ച അമിനുൾ ഇസ്‌ളാമിനെ ചെങ്ങന്നൂർ റെയിൽവേ സ്‌റ്റേഷനിൽവെച്ച് റെയിൽവേ പൊലീസ് പിടികൂടിയിരുന്നു

ശേഷം കോട്ടയത്ത് എത്തിച്ച ഇയാളെ കോട്ടയം റെയിൽവേ പൊലീസ് എസ്എച്ച്ഒ റെജി പി ജോസഫ് അറസ്റ്റ് ചെയ്തിരുന്നു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തതിനെ തുടർന്നാണ് ജയിലിൽ എത്തിച്ചത്.