പുകയില ഉല്പന്നങ്ങളുമായി ഒരാൾ പിടിയിൽ

കാസ‌ർ​ഗോഡ്: പള്ളിക്കരയിൽ ഓട്ടോയിൽ കടത്താൻ ശ്രമിച്ച പുകയില ഉല്പന്നങ്ങളുമായി ഒരാൾ പിടിയിൽ. 4508 പാക്കറ്റ് പുകയില ഉത്പന്നങ്ങളാണ് പരിശോധനയിൽ പിടികൂടിയത്. ഇന്നലെ രാത്രി 8 മണിയോടെയായിരുന്നു സംഭവം. പൂച്ചക്കാട് തെക്കുപുറത്ത് സംസ്ഥാന പാതയിൽ വാഹന പരിശോധനക്കിടെ ഒരാൾ സംശയാസ്പദമായ രീതിയിൽ പെരുമാറിയത് പോലീസിന്റെ ശ്രദ്ധയിൽപ്പെട്ടതോടെയാണ് പ്രതി കുടുങ്ങിയത്. ബേക്കൽ പോലീസ് നടത്തിയ പരിശോധനയിലാണ് നിരോധിത പുകയില ഉൽപ്പന്നങ്ങൾ പിടിച്ചെടുത്തത്.

സംശയാസ്പദമായ സാഹചര്യത്തിൽ ഒരു ഓട്ടോ നിർത്തിയിട്ടിരിക്കുന്നത് കണ്ട പോലീസുകാർ. പരിശോധനയ്ക്കായി ഓട്ടോയുടെ സമീപത്തേക്ക് എത്തി. എന്നാൽ പോലീസിനെ കണ്ട പ്രതി ഓട്ടോറിക്ഷയെടുത്ത് ഓടിച്ചു കൊണ്ടുപോകാൻ ശ്രമിക്കവെ പോലീസ് ഇയാളെ പിടികൂടുകയായിരുന്നു.