ഇറാൻ-ഇസ്രയേൽ സംഘർഷം; ഇന്ത്യൻ പൗരൻമാർക്കായി ടെലിഗ്രാം ലിങ്കും ഹെൽപ്പ്ലൈൻ നമ്പറും പുറത്തിറക്കി തെഹ്റാനിലെ ഇന്ത്യൻ എംബസി

Sandhya

June 15, 2025

ഇറാൻ-ഇസ്രയേൽ സംഘർഷം; ഇന്ത്യൻ പൗരൻമാർക്കായി ടെലിഗ്രാം ലിങ്കും ഹെൽപ്പ്ലൈൻ നമ്പറും പുറത്തിറക്കി തെഹ്റാനിലെ ഇന്ത്യൻ എംബസി

ഡൽഹി: ഇറാനും ഇസ്രയേലും തമ്മിലുള്ള സംഘർഷം കനക്കുന്നതിനിടെ തെഹ്റാനിലെ ഇന്ത്യൻ എംബസി ഇന്ത്യക്കാർക്കായി ഹെൽപ് ലൈൻ നമ്പറുകളും ടെലിഗ്രാം ലിങ്കുകളും പുറത്തിറക്കി.

ഇറാനിൽ നിലവിലുള്ള ഇന്ത്യൻ പൗരൻമാർക്കു വേണ്ടി മാത്രമാണ് ടെലിഗ്രാം ലിങ്കെന്ന് എംബസി എക്സ് പോസ്റ്റ് വഴി അറിയിച്ചു. ഇതുവഴിയായിരിക്കും ഇന്ത്യൻ പൗരൻമാർക്ക് വിവരങ്ങൾ നൽകുക.

വെള്ളിയാഴ്ച ഇറാന്‍റെ ആക്രമണത്തെ ചെറുക്കുന്നതിനായി ഇസ്രയേൽ ഓപ്പറേഷൻ റൈസിങ് ലയൺ എന്ന പേരിൽ ആക്രമണ പദ്ധതി പ്രഖ്യാപിച്ചിരുന്നു. യു.എസ് പ്രസിഡന്‍റ് ഡോണൾഡ് ട്രംപും ഇറാനെതിരായ ആക്രമണത്തിൽ ഇസ്രയേലിന് പൂർണ പിന്തുണ പ്രഖ്യാപിച്ചിട്ടുണ്ട്.